الرحلة الأساسية: من قطر الى الخبر ثم العودة الى قطر
صفرت العداد عند محطة بترول بوسمرة، والشحن ماكان فل والبترول ماكان فل. رحت الخبر على طول الفندق، وثاني يوم الساعة 11 الصبح بديت أخلص مشاويري في الخبر . بعد ماخلصت رجعت قطر، ويوم وصلت قطر بديت أخلص مشاويري وبعدها رجعت البيت.
الاختبار الرسمي للمسافة
ثاني يوم قررت أتمشى لين أخلص البترول. رحت طريق سلوى، محل لمتد، وبعدها فريج النصر، وبعدها لوسيل وبعدها الخور ورجعت صوب البيت. شفت أن باقي 102 كيلو وقلت ألا أخلص البترول، فرحت لين بوسمرة وعبيت بترول.
النتيجة: 915 كيلو مع متوسط سرعة من 100 لين 110 كم/س أغلب الأوقات.
الخطأ اللي كلف 70 كيلو
غلطت وشغلت الجنريتر والسيارة واقفة، وحرقت حوالي 70 كيلو بدون حركة. واحد من الإخوة قالي لا تشغله والسيارة واقفة لأنها بتصرف بترول. لو ماسويت هالحركة كانت السيارة تمشيني بالراحة 1000 كيلو.
اختبار تأثير السرعات على الاستهلاك
بعد ماعبيت البترول، قررت أختبر تأثير السرعات على صرفية الكهربا. جربت من سرعة 80 كيلو لين 130 كيلو على نفس الخط.
النتائج واضحة: على سرعة 130 بيعطي نص مسافة 80. بتفاصيل أكثر — عند سرعة 100 استهلكت 90% من ال range المتوقع (الـ range كان 1016، ومشيت 915). لو سرعتي كانت 80 يمكن كان حققت ال range المكتوب.
سرعة 130 الصرفية أكثر من ضعف صرفية سرعة 80.
