المشكلة التي واجهتها
الفرامل طلعت صوت وبعدها خربت صارت ضعيفة جداً، والسرعة ما تتجاوز 64 كلم، وظهرت أكواد عطل: (P060600) ECU FAULT و (C001900)، وطبعاً نظام القيادة ما يشتغل.
ما أنصح بتركيب أي صدام غير الأصلي لليوبارد 5 ليدار أو ليوبارد 8 بسبب كثرة الرادارات في الصدام الخلفي خصوصاً
التشخيص والقطعة الأصلية
بعد التشخيص في الوكالة، تبين تعطل كمبيوتر IPB SYSTEM ASSEMBLY. السعر في الوكالة كان 8000 ريال قطري، لكن وجدتها خارجها ب5000 ريال، وطلبتها من علي بابا ب1800 ريال.
رقم القطعة الأصلية ما لقيت نفسه بالضبط، لكن طلبتها برقم الهيكل. حسب ما قالت الوكالة، إذا كان رقم القطعة مختلف، معناته القطعة الأصلية فيها مشكلة وتوقف تصنيعها، والمصنع طلع رقم قطعة جديد وحل المشاكل الموجودة في القطعة القديمة.
التركيب والبرمجة
ركبت القطعة خارج الوكالة، لكن اضطريت أرجع للوكالة لبرمجتها مع الفرامل، وكلفت البرمجة 1200 ريال. حسب ما أعتقد، ما يمكن برمجة القطعة خارج الوكالة لأنها تتطلب أكثر من خطوة وملف إعدادات مخصص للسيارة يتم سحبه من جهاز VDS أونلاين مربوط بالصين.
السبب المحتمل للعطل
صراحة سبب المشكلة مو واضح لي تماماً. أنا ركبت صدامات صب وفكيتها لاحقاً لأنها غير مناسبة لليوبارد 5 ليدار، وحدثت VDS، وركبت حماية للكاميرات. الوكالة قالت قد تكون هي السبب لأنها تلخبط الكمبيوتر.
تحذير مهم عن الأجزاء الأخرى
أنا ما أنصح بتركيب أي صدام غير الأصلي لليوبارد 5 ليدار أو ليوبارد 8 بسبب كثرة الرادارات في الصدام الخلفي خصوصاً.
تجربتي مع الوكالة
تجربتي للوكالة في قطر صراحة جيدة وغير جيدة في نفس الوقت. جيدة من ناحية إنهم فاهمين صراحة العطل وحله، وقبلوا يصلحوا السيارة بره الضمان عكس الفطيم. لكن غير جيدة من ناحية السعر كان غالي.
رابط التجربة الأصلي : https://t.me/Qatar_ev/2/138077
