الشاحن والبطارية
تمنيت الشاحن يكون من الوكالة بقوة 7kw بحكم حجم البطارية 26kw.
السيارة بشكل عام جميلة جدا لكن هذه ملاحظات للناس اللي تحتاج ملاحظات أو تبغى تعرف كل التفاصيل
التعليق والأصوات
نظام التعليق قاسي جدا بكل الأوضاع وحساس. فيه صوت طقة واضحة جدا مع المطب من الأمام.
أنظمة الأمان والمساعدة
مثبت السرعة والرادار غير عملي وعندي دايم يفصل. الإشارة يمين دايم تعلق وماتقفل.
الصوت والتنبيهات
الصوت يكون مكتوم حتى حق الانذارات والاشارات، غالبا بعد التشغيل الين تكتم الصوت وترجعه.
تفاصيل الداخل والأنظمة
رشاش الموية جهة الراكب يرش خارج الزجاج. شاشة الميديا مقفلة بالكامل وفائدتها قليلة. انقسام التطبيقات على الشاشة غير موجود مع ان الشاشة كبيرة والنسخة الثانية من سيارات BYD فيها. اغلاق الأنوار من الشاشة يحتاج تأكيد مع انه مفترض يكون سريع عشان مايشغلك عن الطريق. مقعد الراكب مرتفع جدا ولا ينزل في النص فل. لا يوجد طريقة لتشغيل المكيف الخلفي تلقائيا مع تشغيل السيارة. الدعاسات ماوصلت للحين.
التحديثات والتطبيقات
حتى الآن وصل التحديثات عند الوكيل ولم تصل OTA. تطبيق السنتري مود (مراقبة محيط السيارة وقت الإيقاف) غير مفعل مع ان كل سيارات BYD فيها إلا هذي. مشكلة في الـ GPS مع Google والتطبيق.
الضمان والصيانة
كتيب الضمان غير موجود. أسعار الصيانة جدا مرتفعة مع مقارنتها في دول الخليج. جدول الصيانات غير متطابق مع كتيب السيارة.
الانطباع العام
السيارة بشكل عام جميلة جدا لكن هذه ملاحظات للناس اللي تحتاج ملاحظات أو تبغى تعرف كل التفاصيل. وبالأول والأخير هذا رأيي الشخصي.
